Një festë dasme u shndërrua në një përleshje të madhe pasi atyre u mbaroi rasgulla, një ëmbëlsirë tradicionale e Azisë Juglindore.
Kur të afërmit nga ana e nuses u ankuan se banaku i ushqimit kishte mbaruar rasgulla, familja e dhëndrit u ofendua. Tensionet u përshkallëzuan shpejt dhe pamjet e kamerave të mbikëqyrjes kapën të ftuarit duke u grindur dhe karriget duke fluturuar, raporton Dnevnik.hr .
E gjitha ndodhi në fund të nëntorit në Bodh Gaya, në Indinë lindore, dhe babai i nuses, Suresh Prasad, shpjegoi se sherri filloi kur pala e dhëndrit filloi të kërkonte prikë shtesë gjatë ritualeve të dasmës. “Pas kësaj, pala e dhëndrit filloi të na rrihte dhe plagosi disa persona nga pala jonë. Ne kemi paraqitur një kallëzim në polici”, tha ai.
Policia konfirmoi plagosje të shumta nga të dyja palët në sherr. Babai i dhëndrit, Mahendra Prasad, sqaroi më vonë se sherri filloi për mungesë rasgulla-je, jo prike.
“Mosmarrëveshja për rasgullën është përshkallëzuar deri në atë pikë sa pala e nuses e ka anuluar dasmën. Ata po gënjejnë për kërkesat shtesë për prikë. Ne ende duam që djali ynë të martohet me të njëjtën vajzë, por pala e nuses po refuzon”, tha ai.
Nëna e dhëndrit akuzoi familjen e nuses se kishin marrë bizhuteritë që ajo kishte sjellë si dhuratë gjatë sherrit. Ajo tha gjithashtu se pala e dhëndrit mbuloi shpenzimet e rezervimit të hotelit.
Policia konfirmoi se po heton incidentin.
