Komuna e Prishtinës ka njoftuar qytetarët se, për shkak të punimeve që po zhvillohen për lidhjen e rrugës “Skënder Çeku” me rrugën “Muharrem Fejza”, do të ketë mbyllje të përkohshme dhe të pjesshme të rrugës “Muharrem Fejza”, duke filluar nga sot, e premte, ora 20:00, deri të dielën në ora 20:00.
Në njoftimin e komunës theksohet se qarkullimi do të organizohet dhe menaxhohet në mënyrë të kontrolluar, përmes një shiriti rrugor, me qëllim të sigurimit të rrjedhës sa më të rregullt të trafikut.
“Mbyllja e përkohshme do të ndodhë nga: 19.12.2025, ora 20:00 deri më: 21.12.2025, ora 20:00”, thuhet në njoftim.
Komuna ka falënderuar qytetarët për mirëkuptimin dhe bashkëpunimin.
