Pamjet mund të jenë shqetësuese për disa shikues.
Incidenti ndodhi në një rrugë të ngarkuar pranë Union Square në Manhattan, ku qeni papritmas e kapi fëmijën nga këmba dhe nuk e lëshoi pavarësisht përpjekjeve të nënës dhe kalimtarëve për ta ndarë.
Videoja tregon disa qytetarë që përpiqen të ndihmojnë, një burrë që e shqelmon qenin, ndërsa një tjetër përpiqet ta mbajë duke e kapur për qafe. Pronari i qenit e tërhoqi zinxhirin pa sukses.
Qeni e liroi fëmijën vetëm pasi një kalimtar ndërmori hapin ekstrem duke e kapur kafshën nga pas për qafe, duke i lejuar foshnjës të lirohej.
Sipas New York Post, fëmija pësoi prerje dhe plagë të shumta në këmbë dhe u dërgua me urgjencë në NYC Health + Hospitals/Bellevue, ku mbetet në gjendje të qëndrueshme.
Policia tha se qeni është një pit bull dyvjeçar i quajtur Disco Bubba, dhe se pronari, i cili u largua nga vendi i ngjarjes pas incidentit dhe po priste autobusin, nuk do të ndiqet penalisht për momentin. Vendimi i policisë shkaktoi indinjatë të mëtejshme në publik.
Xhaxhai i fëmijës së sulmuar deklaroi se familja do të provojë mjete të tjera ligjore dhe administrative për ta vënë qenin në gjumë.
Reagimet në rrjetet sociale ishin të shumta dhe të ashpra. Shumë përdorues kanë kërkuar ndalimin e pit bull-ave ose mbajtjen e detyrueshme të grykës së qijve në publik.
