Policia e Kosovës ka publikuar statistikat e përgjithshme për 24 orët e fundit, duke bërë të ditur se gjatë kësaj periudhe janë regjistruar dy raste të aksidenteve me fatalitet. Megjithatë, bëhet fjalë për dy persona që kanë ndërruar jetë në spital, si pasojë e lëndimeve të marra në aksidente trafiku që kishin ndodhur gjatë dy javëve të fundit.
Sipas raportit zyrtar, gjatë 24 orëve të fundit janë shënuar edhe 15 aksidente trafiku me persona të lënduar, si dhe 31 aksidente me dëme materiale.
Për shkelje të rregullave të qarkullimit rrugor, Policia e Kosovës ka shqiptuar gjithsej 2 mijë e 314 tiketa trafiku.
Në aspektin e sigurisë publike, janë arrestuar 14 persona, ndërsa 11 prej tyre janë dërguar në mbajtje. Nuk është raportuar për persona në ndalim policor apo në vuajtje të dënimit.
Policia e Kosovës vazhdon t’u bëjë thirrje qytetarëve për respektim të rregullave të trafikut dhe ligjeve në fuqi, me qëllim të rritjes së sigurisë dhe parandalimit të aksidenteve me pasoja fatale. 
