Ministria e Bujqësisë, Pylltarisë dhe Zhvillimit Rural (MBPZhR), përmes Agjencisë për Zhvillimin e Bujqësisë (AZHB), ka njoftuar se do të vazhdojë mbështetjen për sektorin e blegtorisë përmes Programit të Pagesave Direkte për vitin 2025.
“Përkrahja financiare do të jepet për këto kultura dhe aktivitete bujqësore: pagesa Direkte për qumësht, pagesa Direkte për therjet e raportuara të gjedhit, pagesa Direkte për viçat për majmëri, pagesa Direkte për zogjtë për majmëri (brojlerët), pagesa Direkte për akuakulturë”, thuhet në njoftim.
Afati për aplikim fillon më 19 janar 2026 dhe përfundon më 18 shkurt 2026, në ora 16:00.
MBPZhR njofton se të gjithë aplikuesit duhet t’i plotësojnë kriteret e përcaktuara në program, të cilat janë të publikuara në uebfaqen zyrtare të MBPZhR-së dhe të AZHB-së.
