Kryeministri në detyrë, Albin Kurti, ka udhëtuar drejt Davosit në Zvicër, atje ku do të marrë pjesë në Forumin Ekonomik Botëror, ngjarje në të cilën do të jenë liderë të shumtë nga e gjithë bota.
Për të dytin vit me radhë Kosova do të ketë shtëpinë e saj në Forumin Ekonomik Botëror.
“Kryeministri Kurti do të marrë pjesë në ngjarjet dhe panelet e diskutimit që organizohen në Shtëpinë e Kosovës, krahas edhe takimeve zyrtare bilaterale me udhëheqës të lartë dhe investitorë në margjina të Forumit Ekonomik Botëror”, thuhet në njoftimin e Zyrës së Kryeministrit.
