Ministri në detyrë i Kulturës, Rinisë dhe Sportit, Hajrulla Çeku, ka njoftuar për përfundimin e punimeve të restaurimit në shtëpinë tradicionale të familjes Rrustemi në fshatin Kokaj, komuna e Gjilanit.
Çeku ka theksuar rëndësinë e ruajtjes së trashëgimisë kulturore, duke e cilësuar restaurimin si një hap të domosdoshëm për mbrojtjen e identitetit kulturor të vendit.
“Edhe një aset i restauruar. Kanë përfunduar punimet në shtëpinë tradicionale të familjes Rrustemi në Kokaj, Gjilan. Punët e suksesshme në trashëgimi janë jetike për ruajtjen dhe promovimin e identitetit tonë kulturor ”, ka shkruar Çeku në Facebook.
