Eleonora Palmieri (29), një veterinere italiane nga Cattolica, është një nga të paktat të mbijetuara të zjarrit tragjik që përfshiu barin “Le Constellation” në vendpushimin zviceran të skive Crans-Montana në natën e Vitit të Ri . Incidenti i tmerrshëm vrau 40 persona , ndërsa Eleonora pësoi djegie të rënda për të cilat ende po trajtohet në një spital në Milano.
Ajo ndau foto prekëse në llogarinë e saj në Instagram, ku tregonin lëndime të dukshme në fytyrë dhe duar të fashuara, së bashku me një mesazh emocional mirënjohjeje për stafin mjekësor, familjen dhe partnerin. ” Falënderime të pafundme për mjekët dhe të gjithë stafin e spitalit që po kujdesen për mua me profesionalizëm të madh dhe shumë humanizëm “, shkroi Eleonora, duke theksuar se mendimet e saj janë me të gjithë ata që nuk i mbijetuan tragjedisë.
Në një intervistë me gazetën italiane La Repubblica , Eleonora përshkroi momentet dramatike të luftës së saj për jetën. Ajo pranoi se as vetë nuk e dinte se si ia doli të dilte nga ndërtesa që po digjej, duke ia atribuar mbijetesën instinktit.
” Si e shpëtova veten? Nuk e di. Instinkti im i mbijetesës më shtyu jashtë ,” tha ajo. Historia e saj e shpëtimit të mrekullueshëm nga flakët bëri jehonë me publikun, ndërsa hetimi për shkaqet e zjarrit që mori dhjetëra jetë të reja është ende duke vazhduar.
