Komiteti Olimpik i Kosovës (KOK) do të mbajë konferencë për media me rastin e prezantimit zyrtar të ekipit olimpik që do ta përfaqësojë Kosovën në Lojërat Olimpike Dimërore Milano Cortina 2026.
Konferenca do të mbahet sot në zyrat e KOK-ut, duke filluar nga ora 11:00, ku pritet të shpalosen emrat e sportistëve, objektivat dhe përgatitjet për pjesëmarrjen në këtë ngjarje të madhe sportive.
Lojërat Olimpike Dimërore Milano Cortina 2026 do të zhvillohen nga 6 deri më 22 shkurt 2026, në qytetet Milano dhe Cortina d’Ampezzo të Italisë, duke mbledhur atletë nga mbarë bota në disiplinat kryesore të sporteve dimërore.
Pjesëmarrja e Kosovës në këto lojëra përfaqëson një tjetër hap të rëndësishëm për sportin kosovar në arenën ndërkombëtare.
