Policia në rajonin e Mitrovicës së Jugut, nën moton “Stop Drogave”, ka nisur një fushatë sensibilizuese me qëllim të rritjes së vetëdijesimit të qytetarëve për rreziqet që vijnë nga përdorimi i substancave narkotike.
Në kuadër të masave parandaluese, njësitet policore po realizojnë kontakte të drejtpërdrejta me qytetarë në zona të ndryshme të rajonit, duke u fokusuar në parandalimin e përdorimit dhe shpërndarjes së drogave, veçanërisht tek të rinjtë.
Gjatë këtyre aktiviteteve, policia po shpërndan edhe fletushka informuese, të cilat përmbajnë këshilla dhe informacione mbi pasojat e përdorimit të drogave, si në aspektin shëndetësor ashtu edhe në atë ligjor.
