Instituti i Dëborës dhe Ortekut (SLF) ribotoi paralajmërimin e tij për ortekët të shtunën, duke theksuar se dita e sotme mund të jetë “një nga më të rrezikshmet e vitit”.Dy skiatorë që po bënin ski jashtë pistes vdiqën të shtunën në mëngjes në kantonin Grisons në Zvicrën juglindore, njoftoi policia kantonale.
Skiatori i tretë nga grupi është kapur nga një ortek bore që është aktivizuar teksa po bënin ski në borë të thellë, por nuk ka pësuar lëndime, njofton policia.
Mësohet se kanë mbetur të vrarë një grua 56-vjeçare dhe një burrë 52-vjeçar.
Mbi ta ka rënë një sasi e madhe dëbore dhe ekipet e shpëtimit kanë mundur të konstatojnë vetëm vdekjen, ka njoftuar policia, e cila për shkak të kushteve të këqija atmosferike është dashur të ndërpresë për pak kohë operacionin e shpëtimit dhe të vazhdojë pasdite.
Instituti i Dëborës dhe Ortekut (SLF) ribotoi paralajmërimin e tij për ortekët të shtunën, duke vënë në dukje se dita e sotme mund të jetë “një nga më të rrezikshmet e vitit”.
Në pjesë të caktuara të kantonit Grisons, rreziku është jashtëzakonisht i lartë, niveli i gatishmërisë është 4 deri në 5, sipas Institutit.
“Dëbora e freskët dhe e bollshme dhe reshjet e borës qëndrojnë në një shtresë të brishtë dëbore të vjetër dhe për shkak të kësaj, mund të priten ortekë të mëdhenj spontan,” paralajmëron SLF.
