Numri zyrtar i të vdekurve, sipas informacioneve të fundit, në të gjithë Turqinë dhe Sirinë tani është në më shumë se 300, me më shumë se 2,000 të plagosur. Një operacion i madh shpëtimi është duke u zhvilluar.
Presidenti ukrainas Volodymyr Zelensky tha se vendi i tij është i gatshëm të ofrojë ndihmën e nevojshme për Turqinë pas tërmetit që goditi vendin.
Herët në mëngjes, Turqia jugore u godit nga një tërmet me magnitudë 7.8 të shkallës Rihter, ku qindra njerëz humbën jetën dhe shumë u plagosën.
“Jam i shokuar nga lajmi për vdekjen dhe qindra të plagosur pas tërmetit në Turqi. I shprehim ngushëllimet tona familjeve të viktimave, ndërsa të lënduarve u urojmë shërim të shpejtë. Në këtë moment, ne qëndrojmë pranë popullit turk në mënyrë miqësore dhe jemi të gatshëm të ofrojmë ndihmën e nevojshme”, shkroi Zelenski në Twitter.
