Kryeministri Albin Kurti ka njoftuar në Twitter për telefonatën që ka pasë mbrëmë me Këshilltarin Special amerikan, Derek Chollet.
Ai tha se në bisedën me të i ka thënë që planin e BE-së e ka pranuar si bazë të mirë për bisedime, derisa ka shtuar se Kosova është e përkushtuar për marrëdhënie të mira fqinjësore.
“Mbrëmjen e kaluar me Këshilltarin Special Derek Chollet u diskutua për rëndësinë e ecjes përpara në dialog bazuar në propozimin e BE-së, i pranuar si një bazë e mirë për bisedimet e mëtejshme. Si vendi më demokratik në rajon, Kosova është e përkushtuar për marrëdhënie të mira fqinjësore, si dhe integrim në BE dhe NATO”, ka shkruar Kurti. /Kosovatimes/
Last night w/ @CounselorDOS Chollet, discussed the importance of moving forward on dialogue based on the EU proposal, accepted as a good basis for further talks. As the most democratic country in the region, Kosova is committed to good neighborly relations, 🇪🇺 & NATO integration.
— Albin Kurti (@albinkurti) February 11, 2023