Sekretari amerikan i Shtetit Anthony Blinken do të zhvillojë sot një vizitë në Athinë. Ky udhëtim vjen menjëherë pas vizitës së sekretarit amerikan të zhvilluar në Turqi.
Në Athinë , Blinken do të takohet me kryeministrin grek Kyriakos Mitsotakis dhe homologun e tij, Nikos Dendias.
Sipas njoftimit të kryeministrisë, Blinken do të ketë darkë sot me kryeministrin Mitsotakis, ku do të jenë të pranishëm ministri i Jashtëm Nikos Dendias dhe ministri i Mbrojtjes, Nikolaos Panagiotopoulos.
Po ashtu do të takohet me Dendias në ministrinë e Jashtme të Greqisë, me axhendë marrëdhëniet greko-amerikane, çështjet e Mesdheut Lindor, marrëdhëniet me Turqinë, çështjet energjetike, zhvillimet në Ukrainë dhe anëtarësimi i Suedisë dhe Finlandës në NATO.
Gjate vizites se Blinken ne Turqi, Shtetet e Bashkuara do të japin 100 milionë dollarë të tjera ndihmë për viktimat e tërmetit shkatërrues, përveç 85 milionë dollarëve të miratuar më parë, njoftoi të dielën Departamenti i Shtetit.
Presidenti Joe Biden planifikon të miratojë 50 milionë dollarë për të ndihmuar refugjatët dhe emigrantët dhe 50 milionë dollarë të tjera për njerëzit që vdiqën në tërmetin shkatërrues.
Lajmin e ka bërë të ditur edhe Sekretari Amerikan i Shtetit, Antony Blinken , i cili të dielën ka mbërritur në bazën ajrore Incirlik ku ndodhen rreth 1500 ushtarë amerikanë. Pikërisht nga Incirliku një pjesë e ndihmave humanitare, veçanërisht ndihma amerikane, u dërgua në zonat e viktimave nga tërmeti me magnitudë 7.8 që goditi Turqinë dhe Sirinë më 6 shkurt.
Nga baza e Incirlikut, Blinken fluturoi me helikopter në provincën Hatay në juglindje, e cila gjithashtu u dëmtua rëndë nga tërmeti.
Ai tërmet, fatkeqësia më e madhe e përjetuar nga Turqia moderne, ka marrë 41,000 jetë njerëzore në Turqi dhe rreth 6,000 në Siri. Më shumë se një milion njerëz mbetën të pastrehë dhe dëmi total material vlerësohet të arrijë në disa miliardë dollarë.
“Kur të shohim shkallën e dëmit, numrin e ndërtesave, apartamenteve, shtëpive që janë shkatërruar, (ne e dimë se) do të duhet një përpjekje e madhe për të rindërtuar zonën dhe ne jemi të përkushtuar të ndihmojmë në këtë,” tha Blinken . . “Ne po shtojmë 100 milionë dollarë të tjera ndihmë për njerëzit që kanë nevojë dëshpërimisht për të.”
Blinken u takua të dielën me udhëheqës ushtarakë dhe humanitarë që koordinojnë ndihmën e SHBA.
Në ditën e dytë pas tërmetit, SHBA dërgoi disa ekipe kërkim-shpëtimi në Turqi, rreth 200 persona, dhe miratuan ndihmën e parë humanitare prej 85 milionë dollarësh. Ai gjithashtu siguroi helikopterët Black Hawk dhe Chinook për transportimin e pajisjeve.
Kombet e Bashkuara i kanë bërë thirrje komunitetit ndërkombëtar që të mbledhë një miliard dollarë ndihmë për viktimat në Turqi.
Blinken është planifikuarka arritur të dielën në mbrëmje, ku zhvilloi bisedime me presidentin turk Rexhep Tajip Erdogan të hënën.
Përveç fatkeqësisë natyrore, temë qendrore e diskutimit do të jetë ngërçi në përpjekjet e Suedisë dhe Finlandës për anëtarësim në aleancën e NATO-s, të cilën Turqia deri më tani ka refuzuar ta ratifikojë.
