Katër persona kanë mbetur të vdekur nga aksidenti tragjik që ka ndodhur sonte në rrugën Ferizaj – Shtime.
Prokurori kujdestar, ka dhënë detaje duke treguar se përveç katër viktimave, edhe dy persona janë dërguar në gjendje të rëndë për trajtim në QKUK.
Ai shtoi se katër viktimat ishin në të njëjtën veturë, dy në veturën tjetër, ndërsa një veturë tjetër ju kishte shmangur aksidentit duke u futur në hendek.
“Janë përfshirë tri automjete, 4 viktima deri më tani kanë humbur jetën, dy kanë persona janë në gjendje të rëndë dhe janë dërguar në QKUK. Tri automjete të përfshira, në një automjet kanë qenë katër viktimat, në automjetin tjetër janë dy të lënduarit, ndërsa një veturë tjetër i është shmangur aksidentit dhe është futur në hendek”, tha Prokurori para mediave nga vendi i ngjarjes.
Në lidhje me shkaqet e aksidentit, prokurori tha së është ende herët për të dhënë detaje dhe se po kryhen hetime akoma.
Ai konfirmoi se viktimat janë një 21-vjeçar, një 23-vjeçar dhe dy të tjerë rreth moshës 40-vjeç.
