Dy persona vdiqën dhe disa të tjerë u plagosën të martën në një aksident treni në veri të Kajros, tha ministria e shëndetësisë e Egjiptit pas aksidentit të fundit të trenit në vend.
Në listën e mëparshme të ministrisë, e cila raportonte një person të vdekur, 16 u plagosën gjithashtu, përfshirë gjashtë të cilët tashmë janë trajtuar dhe janë liruar nga spitalet. Aksidenti ndodhi në Qalyub, në veri të kryeqytetit Kajro në deltën e Nilit.
Autoriteti Kombëtar i Hekurudhave të Egjiptit tha se aksidenti ndodhi kur një tren pasagjerësh që hynte në stacionin e Qalyub kaloi përmes një sinjali ndalimi.
– Kjo ka sjellë deri në daljen nga shinat e lokomotivës dhe vagonit të parë – thuhet në deklaratë.
Aksidentet hekurudhore të Egjiptit fajësohen kryesisht për infrastrukturën e dobët dhe mirëmbajtjen e pakujdesshme. Në prill 2021, ministri i Transportit Kamel el-Vazir shkarkoi kreun e autoritetit hekurudhor pas zemërimit publik në vendin më të populluar të botës arabe për keqmenaxhimin e linjave hekurudhore të rrënuara. Shkarkimi erdhi dy ditë pas aksidentit që mori 23 jetë.
Ashraf Raslan u shkarkua si pjesë e ristrukturimit të personelit të zyrtarëve të lartë të hekurudhave.
“Qëllimi i atyre vendimeve nuk është vetëm ndryshimi i drejtimit të pushtetit, por ato janë në përputhje me fazën tjetër, e cila kërkon një përmirësim të plotë të rrjetit hekurudhor”, njoftoi atëherë Ministria e Transporteve.
Ndryshimet e vazhdueshme kanë për qëllim ofrimin e shërbimeve më të mira, punën gjatë gjithë orarit për t’i shërbyer pasagjerëve dhe përmirësimin e atyre shërbimeve bazë falë të cilave miliona pasagjerë transportohen çdo vit – thuhet në deklaratë.
Në mars 2021, të paktën 20 njerëz u vranë dhe afro 200 u plagosën në një aksident treni në Egjiptin jugor, sipas një raporti zyrtar, të cilin autoritetet e kanë rishikuar disa herë.
