Ndeshja mes Llapit dhe Ballkanit ka pasur përfundim të hidhur, pasi tifozët e të dyja skuadrave janë përleshur mes veti.
Pas ndeshjes, e cila përfundoi 3:2 në favor të Llapit, ka eskaluar situata në tribuna. Tifozët e Ballkanit, të cilët kishin udhëtuar në Podujevë, filluan shkuljen e karrigeve nga stadiumi, duke i gjuajtur në drejtim të tifozëve llapjan. Madje, karriget kanë fluturuar edhe jashtë stadiumit, duke përfunduar në rrugë.
Policia e Kosovës ka bllokuar daljen e tifozëve mysafir, derisa ata vendas i ka larguar nga stadiumi, në tentim për të qetësuar situatën e krijuar.
Te Llapi ende nuk kanë reaguar në lidhje me dëmet që mund të jenë shkaktuar në stadiumin “Zahir Pajaziti”.
Madje, ka pasur edhe të arrestuar në këtë tollovi të krijuar brenda stadiumit të Llapit.
