Autoritetet ruse po nisin një fushatë masive rekrutimi për të rimbushur forcat e varfëruara në Ukrainë, të cilat, sipas të dhënave perëndimore, kanë humbur më shumë se 200,000 njerëz të vrarë dhe të plagosur.
Kremlini ka vendosur detyrën e rekrutimit të 400,000 ushtarakëve me kontratë në Forcat e Armatosura dhe ka dërguar urdhrat përkatëse në rajone, raporton Bloomberg, duke cituar burime të njohura me situatën.
Sipas tyre, me ndihmën e një rekrutimi të tillë, autoritetet shpresojnë të shmangin mobilizimin e përsëritur të detyruar, vala e parë e të cilit hoqi mbështetjen për luftën dhe shkaktoi një eksod të qytetarëve jashtë vendit.
Pothuajse të gjithë të mobilizuarit – 300 mijë njerëz – janë hedhur tashmë në frontin ukrainas, besojnë burime të Bloomberg nga radhët e zyrtarëve ukrainas dhe perëndimorë. Dhe megjithëse gjeneralët përdorën të gjitha rezervat e mundshme, ofensiva e shpallur gjerësisht u shndërrua në një fiasko: nga 31 janari deri më 28 shkurt, ushtria arriti të përparojë vetëm 234 kilometra katrorë, ose 0,039% të territorit të Ukrainës./Kosovatimes/;
