Tetë persona po trajtohen në Spitalin e Përgjithshëm në Pejë, pas djegies së një objekti afarist në Pejë.
Sipas Spitalit të Përgjithshëm të Pejës, gjendja e pacientëve është stabile dhe jashtë rrezikut për jetë.
Autoritetet spitalore bënë të ditur se pacientët janë kryesisht me simptoma të helmimit nga tymi.
Paraditen e së shtunës, në qytetin e Pejës, një qendër tregtare u përfshi nga zjarri.
Ende nuk dihen shkaktarët e zjarrit e as dëmet materiale.
