Një juri e madhe e Manhattanit votoi sot për të paditur ish-presidentin amerikan Donald Trump, thanë tre burime të njohura per rastin për CNN.
Kjo do të jetë hera e parë në historinë amerikane që një president aktual apo ish-president do të përballet me akuza penale.
Aktakuza ndaj Donald Trump mbetet e mbyllur dhe do të publikohet në ditët në vijim.
Akuzat nuk dihen publikisht për momentin, tha një burim për CNN, duke shtuar se Zyra e Prokurorit të Qarkut në Manhattan do të kontaktojë avokatët e Trump për të diskutuar dorëzimin e tij për t’u përballur me akuzën.
Prokurori Alvin Bragg po hetonte akuzat se Stormi Daniels ishte paguar 130,000 dollarë për të mbajtur heshtje për një aferë të dyshuar me Trump në javët e fundit të fushatës së tij presidenciale 2016.
Ish-avokati i Trump, Michael Cohen, tha se ai i pagoi paratë me urdhër të Trump për të blerë heshtjen për lidhjen jashtëmartesore të kandidatit të atëhershëm presidencial. Trump mohon që ai madje ka pasur një lidhje me atë grua dhe njerëzit e afërt të tij pretendojnë se Cohen ka vepruar vetë.
