Mjekët kanë zbuluar se çfarë ndodh në momentet e fundit të jetës së një personi.
Fenomeni i vdekjes i ka intriguar shkencëtarët për shekuj me radhë dhe se çfarë ndodh në atë moment ata ende po përpiqen të zbulojnë. Vdekja është e pashmangshme dhe pikërisht për këtë ne përpiqemi të mos mendojmë për të. Por a e dimë se çfarë ndodh para se një person të vdesë dhe a mund të njihet ai moment?
Ndryshimet e frymëmarrjes
Një person që është afër vdekjes do të marrë frymë ndryshe, dhe me atë rast do të prodhojë një tingull të çuditshëm, thotë doktor Daniel Murrell, nga Universiteti Amerikan i Alabamës. Edhe pse tingulli është i tmerrshëm, mjekët sigurojnë se personi nuk ndjen dhimbje.
Në raste të tilla, personeli mjekësor mund të ndihmojë dhe të lehtësojë shqetësimin e pacientit duke e kthyer atë në anën e tij për të pastruar rrugët e frymëmarrjes. Gjithashtu, frymëmarrja mund të jetë e cekët dhe e ngadaltë.
Ritmi i zemrës ngadalësohet
Një tjetër tregues i qartë se vdekja është afër është rrahjet më të ngadalta të zemrës dhe rënia e presionit të gjakut, tha specialistja mjekësore Dr. Catherine Mannix për Science Focus. Gjatë kësaj gjendje, njerëzit shpesh ndihen të shqetësuar .
Konfuzion dhe humbje të rastësishme të vetëdijes
Neurologu Dr. Cameron Shaw zbuloi se çfarë ndodh 30 sekonda para se dikush të vdesë. Ai thotë se tashmë në 10 deri në 20 sekondat e para ne humbasim ndjenjën e vetvetes, humbim sensin e humorit, aftësinë për të menduar.
“Ne e dimë se ky fenomen ndodh në momentin kur truri nuk merr më oksigjen”, theksoi Shaw.
Ai shton se në atë moment njeriu do të mendojë vërtet për jetën e tij dhe disa kujtime dhe do t’i duket se jeta e tij po i fluturon para syve. Dhe të gjitha përvojat jashtë trupit nuk janë reale, por thjesht një mashtrim i trurit tonë, shpjegon Shaw.
Shenja të tjera që tregojnë një vdekje të shpejtë janë: gogëllimi i shpeshtë për të marrë më shumë oksigjen, humbja e vetëdijes dhe rikthimi i vetëdijes, mosmbajtjeje, ndryshim në erën e trupit, agjitacion, mavijosje të errët e lëkurës.
