Forcat ruse vranë një nënë dhe një vajzë në një sulm artilerie në rajonin Kherson, raportojnë mediat lokale ukrainase.
“Në pasdite, artileria ruse goditi rrethin Tavri të Khersonit. Predhat e armikut goditën territorin pranë një institucioni arsimor. Ky bombardim rus i dha fund jetës së një gruaje 48-vjeçare dhe vajzës së saj 28-vjeçare”, raportojnë mediat, duke cituar autoritetet e rajonit Kherson.
Shefi i kabinetit të presidencës ukrainase, Andriy Yermak, konfirmoi vdekjen e dy grave, duke thënë se ato kanë pësuar lëndime nga shpërthimi.
Sulmi ndodhi në prag të Pashkëve sipas kalendarit Julian, të cilin nesër e festojnë edhe ukrainasit.
