Drita ka shënuar fitore ndaj Prishtinës me rezultat 1-0 në kuadër të javës së 30-të të Superligës së Kosovës.
Ndeshja nisi me raste të mira nga të dyja palët, por që rrjetat heshtën.
Në minutat e fundit të pjesës së parë Drita kishte më shumë nga loja, duke rrezikuar seriozisht me Blend Baftiun dhe Marko Simonovskin, por për të parë golin e parë duhej të pritej edhe pak.
Zhvillohej minuta e 42-të, kur Kastriot Selmani shënoi gol të bukur për 1-0.
Edhe pjesa e dytë ishte e kujdesshme nga të dyja skuadrat, që nuk rrezikonin shumë prapa.
Krejt në fund Drita mori fitore që e dërgon në pozitën e parë me 60 pikë, ndërsa Prishtina është e katërta me 41 pikë.
