Kalimtarët në Barcelonë iu desh të fërkonin sytë të premten kur panë ish-presidentin e SHBA-së, Barack Obama, Michelle Obama dhe regjisorin Steven Spielberg të bashkoheshin me turmat e turistëve për të vizituar disa nga monumentet më të rëndësishme të qytetit, të shoqëruar nga siguria, natyrisht.
Treshja mbërriti në Barcelonë për koncertin e mikut të tyre Bruce Springsteen në stadiumin Olimpik, transmeton N1.
Familja Obama, Spielberg dhe Springsteen darkuan në restorantin Amar në Hotel Palace të enjten.
Punonjësi i restorantit Paul Perello ka postuar një foto të tyre duke pozuar me kamerierë dhe kuzhinierë me mbishkrimin: “Kënaqësitë që ju sjell kjo punë!”
Të premten, çifti Obama dhe Spielberg vizituan disa nga atraksionet më të famshme kulturore. Itinerari përfshinte bazilikën Sagrada Familia, projektuar nga Antonio Gaudi dhe Muzeun Picasso.
Mediat spanjolle raportuan se ish-presidenti dhe zonja e parë po ecnin dorë për dore në qendër të Barcelonës të rrethuar nga një grup i madh rojesh.
Obama dhe Springsteen u takuan gjatë fushatës presidenciale të Obamës në vitin 2008.
Në vitin 2021, ata mbajtën një podcast që nxori librin “Renegatë: Lindur në SHBA”.
