Njësitet policore në veri të vendit konfiskojnë 84 paketime të kafes, të cilat transportoheshin pa dokumente.
Policia e Kosovës, njofton se tek ura e Bistricës në veri të vendit, ka ndaluar një automjet të cilin e drejtonte personi (M.P.) mashkull i nacionalitetit serb, i cili transportonte mallra pa dokumente.
Sipas policisë gjatë kontrollit të automjetit janë hasur 51 paketime me nga 1 kilogram kafe dhe33 paketime me 0.70 gram kafe, për të cilat ngasësi i automjetit nuk posedonte dokumente për mallin që transportonte.
“Njësitet relevante policore, lidhur me rastin kanë kontaktuar njësitin e doganës, ku sipas procedurave të parapara është bërë pranim dorëzimi i automjetit dhe mallit tek njësitet doganore, për të vazhduar me procedura të më tutjeshme ligjore”, thuhet në njoftimin policisë.
