FSB ruse deklasifikon dokumentet e tyre për ditët e fundit të Adolf Hitlerit

– Shumicën e kohës ai ishte i izoluar në strehën e tij –  tha Baur, raporton TASS.]

Ai deklaroi se Hitleri u përpoq të “krijonte një përshtypje optimizmi dhe sigurie në lidhje me fitoren e Gjermanisë”. Siç tha ai, rrethi i Hitlerit besonte se Führeri kishte ende disa burime për ta çuar luftën në një përfundim të suksesshëm, dhe disa prej tyre besonin se ekzistonte një armë e re sekrete, siç ishte bomba atomike .

Kur Ushtria e Kuqe arriti në Oder, “shtabi i komandës supreme filloi të kishte dyshime të caktuara ” dhe nga mesi i marsit, ndihmësit kishin përfunduar përgatitjet për zhvendosjen e selisë në brigjet e Detit Baltik, dëshmoi Baur.

– Në fillim të prillit 1945, gjithçka ishte gati për të zhvendosur selinë e komandës supreme në veri ose në Berghof në jug –  tha Baur.

Ai shtoi se disa avionë ishin në gatishmëri, në rast se Hitleri vendos të largohej nga Berlini. Më parë, aeroplanët e “Skuadronit të Fyhrer” ishin vendosur në gjashtë aeroporte të Berlinit dhe rruga pranë Portës së Brandenburgut u kthye në një pistë.

– Çdo natë, katër deri në pesë avionë me letra, bagazhe dhe pasagjerë niseshin nga Berlini për në Bertesgaden –  tha Baur.

Ai tha se Hitlerin e kishte parë për herë të fundit në ditën e vetëvrasjes së tij, më 30 prill 1945. Sipas tij, Hitleri e ftoi në dhomën e tij dhe i dhuroi një portret Rembrandt të perandorit Frederiku i Madh që ishte varur në mur.

Baur u përpoq të arratisej nga Berlini, por më 2 maj 1945, ai u plagos dhe u kap nga Ushtria e Kuqe. Ai kaloi dhjetë vjet në burg në Bashkimin Sovjetik, përpara se të ekstradohej në Francë në tetor 1955, ku u burgos për dy vitet e ardhshme.

Ai vdiq në moshën 96-vjeçare në vitin 1993 në Hersching të Bavarisë.