Peja ka pësuar humbje në finalen e Ligës Ballkaniken ndaj skuadrës izraelite, Hapoel Beer Sheva me rezultat 101-95.
Ndeshja u luajt në kuadër të finales së ‘Final Four’ në Stara Zagora të Bullgarisë.
Verdhezinjtë dhe izraelitët janë takuar dy herë në këtë edicion dhe në dy rastet fituan këta të fundit, 88:89 dhe 88:81.
Pikërisht finalja solli ballafaqimin e dy skuadrave më të mira të kësaj gare, pasi Hapoel ishte renditur në vendin e parë me 11 fitore e një humbje, kurse pejanët ishin në vendin e dytë me dhjetë fitore e dy humbje
Peja e kishte mundësinë të revanshohej ndaj izraelitëve, mirëpo pësoi edhe humbjen e tretë me rezultat 101-95.
Ky është triumfi i parë për Beer Shevan në Ligën Ballkanike, derisa Peja nuk ndalet këtu, pasi pas disa ditësh do të zhvillojë finalen në Play-off kundër Trepçës që pak çaste më parë eliminoi Prishtinën pas pesë ndeshjeve të luajtura. /Kosovatimes/
