AUV njofton se, pas raportimit të konsumatorit të publikuar në rrjete sociale për dyshime të falsifikimit të datës së skadimit të produktit çokolatë, prodhues fabrika “Frey” origjina Zvicër, menjëherë ka nisur gjurmimin për të gjetur adresën e operatorit ekonomik distribues. i cili ka rezultuar se gjendet në Fushë Kosovë.
“Ekipi inspektues ka shkuar për inspektim të depos së produkteve. Aty ka gjetur produktet e njëjta si të dyshimta. Datat e skadimit janë mbuluar me stikera të distributorit dhe u janë shënuar, data tjera. Menjëherë janë ftuar policia me njësitet relevante për të bërë verifikimin e dyshimit në falsifikim”, thuhet në komunikatën për media nga AUV.
Tutje thuhet se, Inspektorët e AUV-së bashkë Policinë e Kosovës kanë ndërmarrë të gjitha veprimet në raste.
“Sasia e gjetur e produkteve është ndaluar për qarkullim, po ashtu është urdhëruar distributori, që menjëherë të bëjë tërheqjen nga të gjitha pikat ku e ka shpërndarë produktin. Në të njëjtën kohë është gjetur edhe adresa e furnitorit të këtij produkti si importues me lokacion në komunën e Gjilanit. Po ashtu tek i njëjti autoritetet shtetërorë kanë gjetur edhe një sasi tjetër të çokolatës se njëjtë me afat të skaduar, por që nuk i është manipuluar data. Nga të dyja rastet është arritur të ndalohen rreth 2500 njësi çokolate prodhues fabrika “Frey” lloji: supreme dark orange, suprem dark 78%, dhe supreme dark crunchy almond. Të gjitha me peshë 100 gram për njësi”.
Kujdes konsumatorë! Mos i konsumoni produktet e cekura me lartë sipas prodhuesit, llojit dhe etiketave, kthejini pranë subjekteve ku i keni blerë! Nëse i gjeni në shitje lajmëroni autoritetin. 080050095 thirrje pa pagesë /Kosovatimes/
