Ministri i Financave, Hekuran Murati, ka bërë të ditur se vetëm gjatë muajit mars, 1.994 djem dhe vajza janë punësuar përmes platformës “Super Puna”.
Sipas tij prej tyre janë 1.028 janë vajza dhe 966 djem. Ai ka thënë se përbërja gjinore e të punësuarve është fakt që e bën ekzekutivin të krenohet.
“Për muajin mars, janë gati 2 mijë të punësuar e të validuar në Superpuna, për punësimin e të cilëve tashmë është proceduar subvencioni. Një fakt interesant e që na bën të krenohemi është edhe përbërja gjinore e të punësuarve – mbi 51% janë vajza. Pra përveç adresimit të problemit të punësimit të të rinjve në përgjithësi, superpuna po ndihmon edhe në rritjen e punësimit për vajzat e gratë në veçanti. Punë dhe drejtësi!”, ka shkruar Murati në Facebook.
Platforma e Qeverisë “Super Puna” u lansua në fillim të muajit shkurt, e ku ekzekutivi mbështetë bizneset duke ua paguar deri në 6 muaj një pjesë të pagës (sa rroga minimale në nivel vendi) për të rinjtë që i punësojnë. /Kosovatimes/
