Një person është plagosur me armë automatike në veri të Mitrovicës

Një person është plagosur mbrëmë nga një armë automatike në veri të Mitrovicës, njofton KoSSev.

Sipas atij portali, sulmi i armatosur ka ndodhur rreth dy orë pas mesnate dhe të plagosurit nuk është në rrezik për jetën.

Zëvendëskomandanti i Policisë së Kosovës për rajonin e Veriut, Veton Elshani, ka thënë se janë ende informacione paraprake, ndërsa detajet tjera do të mund t’i bëjë së shpejti.

“Dy persona janë pranuar në spital, por nuk kemi informacion të konfirmuar se dy janë plagosur”. Deri më tani mësohet se një person ka mbetur i plagosur. Gjithashtu, në vendin e ngjarjes, që është rruga kryesore që të çon në spital, kemi gjetur gëzhoja të një automatiku dhe gjurmë gjaku. Vendi është siguruar dhe hetimet janë duke vazhduar”, tha Eljshani për KoSSev herët në mëngjes.

Sipas KoSSev, në rrugë ka një brez, brenda të cilit janë parkuar disa vetura dhe dy policë po e sigurojnë vendin. /Kosovatimes/