Dy persona humbën jetën kur një aeroplan i vogël civil Learjet u rrëzua pranë pistës ajrore të NATO-s pranë Rendsburg, Gjermani. Avioni ishte marrë me qira nga Forcat Ajrore Gjermane dhe të dy pilotët u vranë në atë që thuhet se ishte një fluturim stërvitor, transmeton “Bild”.
Aksidenti ka ndodhur pas ngritjes dhe avioni është dashur të fluturojë për në provincën e Saksonisë së Poshtme.
Në vendin e aksidentit kanë shkuar një numër i madh i zjarrfikësve dhe policisë, ndërsa ende nuk dihen rrethanat që kanë çuar në rënien. Në fotot që janë publikuar, pranë rrënojave të djegura shihen ekipet e shpëtimit.
Lajmin për rrëzimin e avionit e ka konfirmuar ministri gjerman i Mbrojtjes, Boris Pistorius.
