Një nga ata që thirrën për tubim është Millosh Ković, profesor i departamentit të historisë të Fakultetit Filozofik në Beograd. Atij iu ndalua hyrja në BiH në mars 2022 dhe ky ndalim u hoq së fundmi.
Mbreme një grup i vogël i të djathtëve janë mbledhur para ambasadës gjermane në Beograd, të cilët në rrjetet sociale si shkak të grumbullimit kanë përmendur situatën në veri të Kosovës.
Një nga ata që bëri thirrje për tubimin është Millosh Ković, profesor i departamentit të historisë të Fakultetit Filozofik në Beograd . Atij iu ndalua hyrja në BiH në mars 2022 dhe ky ndalim u hoq së fundmi.
Ai mbrojti krimet e kryera nga forcat serbe në BiH si dëshmitar në gjyqin e Hagës të ish-komandantit të Ushtrisë së Republika Srpska (VRS), Ratko Mlladiç, i cili më vonë u dënua për krime lufte.
Sipas gazetarit të RSE, disa dhjetëra qytetarë janë mbledhur para ambasadës gjermane. E pranishme është edhe policia dhe rruga është e bllokuar. Si kërkesë kanë deklaruar dorëheqjen e presidentit të Serbisë, Aleksandar Vuçiq.
Një tubim i ngjashëm u organizua edhe një mbrëmje më parë, ku një pjesë e autostradës u bllokua dhe policia ndaloi disa.
Grupe të komunitetit serb protestuan edhe më 30 maj në komunat Zveçan, Zubin Potok dhe Leposaviq në veri të Kosovës, duke kundërshtuar kryetarët e rinj të nacionalitetit shqiptar në komunat me shumicë serbe.
Ata u zgjodhën në zgjedhjet e prillit, të cilat u bojkotuan nga serbët vendas.
Misioni paqeruajtës i NATO-s në Kosovë, KFOR, ndërhyri mëngjesin e 29 majit për të shpërndarë protestuesit serbë të mbledhur para ndërtesës së komunës së Zveçanit në veri të Kosovës. Më pas pati një konflikt.
Shefi i NATO-s, Jens Stoltenberg, ka njoftuar më 30 maj se Aleanca Veriatlantike do të rrisë numrin e ushtarëve në Kosovë për 700, si pjesë e misionit të saj KFOR.
Presidenti i Serbisë, Aleksandar Vuçiq, në mbrëmjen e 29 majit u bëri thirrje pjesëtarëve të komunitetit serb që të mos përleshen me forcat e NATO-s.
