Presidenti i Serbisë, Aleksandar Vuçiq, foli gjatë pushimit të samitit të Komunitetit Politik Evropian, i cili po mbahet në Kishinau, me presidentët francezë dhe ukrainas – Emmanuel Macron dhe Volodymyr Zelensky. Nuk dihet përmbajtja e atyre bisedave joformale.
Pas fotografisë së përbashkët të pjesëmarrësve të samitit, e cila u organizua për media, presidenti i Serbisë zhvilloi një bisedë të shkurtër me Zelenskin, ku në bisedë mori pjesë edhe kryeministri i Luksemburgut, Xavier Bethel.
Vetëm pak çaste më vonë, Vuçiq zhvilloi një bisedë të shkurtër dhe miqësore me Macron.
Pritet që në margjinat e samitit, presidenti serb të bisedojë për situatën në veri të Kosovës dhe deeskalimin e dhunës me Markon, kancelarin gjerman Olaf Scholz dhe përfaqësuesin e lartë të BE-së për Politikë të Jashtme dhe Siguri, Josep Borej.
Priten konferenca të veçanta për shtyp për presidentin serb, kancelaren gjermane dhe presidentin francez.
