Me kërkesë të autoriteteve sllovene, Policia e Kosovës ka arrestuar një shtetas të Kosovës me banim në Slloveni.
Ky person dyshohet se ka dhunuar dhe shkaktuar dhunë fizike ndaj gruas së tij. Në raportin 24 orësh të policisë shkruan se ky person është arrestuar pasi policia ka pranuar kallëzim penal nga autoritetet sllovene.
I dyshuari është dërguar në mbajtje.
Paraprakisht, Prokuroria e Qarkut në qytetin Celje të Sllovenisë i ka kërkuar ndihmë juridike Ministrisë Drejtësisë në Kosovë lidhur me këtë rast.
Ndaj këtij personi kanë nisur hetimet atje, por i njëjti ka ikur në Kosovë. I dyshuari është identifikuar dhe arrestuar, ndërsa tashmë ndodhet nën masën e ndalimit policor.
