Një video e liderit rus Vladimir Putin duke i kthyer shpejt shpinën homologut të tij, ministrit të Mbrojtjes Sergei Shoigu, është bërë virale në mediat sociale, duke nxitur spekulime të reja për marrëdhëniet e tensionuara brenda udhëheqjes ruse.
Putin dhe Shoigu vizituan Spitalin Vishnevsky të Moskës për të dorëzuar medalje për ushtarët që u plagosën në konfliktin me Ukrainën. Me këtë veprim, Putini mesa duket ka shprehur pakënaqësinë e tij për performancën e ushtrisë ruse në Ukrainë dhe ka lënë përshtypjen se nuk ndjen më shumë dashuri për ministrin Shoigu.
Ndërsa Shoigu u pozicionua në njërën anë të ushtarëve të plagosur, Putini kaloi me energji pranë tij, duke i kthyer shpinën. Në një moment, Shoigu shkoi drejt Putinit për t’i thënë diçka, por udhëheqësi rus e injoroi atë, duke qëndruar me shpinë të kthyer.
