Presidenti kinez Xi Jinping u takua sot me miliarderin dhe bashkëthemeluesin e Microsoft, Bill Gates, gjatë vizitës së biznesmenit amerikan në Pekin në një përpjekje për të mbështetur përpjekjet e Kinës në kërkimin mjekësor.
Takimi u raportua nga televizioni shtetëror kinez dhe u mbajt dy ditë përpara vizitës së shumëpritur të Sekretarit të Shtetit amerikan Anthony Blinken, në një kohë tensionesh diplomatike midis Pekinit dhe Uashingtonit.
“Ju jeni shoku i parë amerikan që kam takuar këtë vit”. Ne i kemi vendosur gjithmonë shpresat tona te populli amerikan dhe shpresojmë që miqësia mes dy popujve të vazhdojë”, tha Xi Jinping, sipas mediave kineze.
