Ambasadori i Gjermanisë në Kosovë, Jorn Rohde, e ka quajtur tronditës sulmin e djeshëm ndaj gazetarëve në Leposaviq.
Ai e ka konsideruar të papranueshëm aktin e dhunës ndaj gazetarëve, por është shprehur i habitur se pse nuk po reagon Lista Serbe.
Ai ka shkruar se të gjithë duhet të bëjnë pjesën e tyre për të de-përshkallëzuar situatën.
“Brutaliteti i kësaj skene është tronditës. Ku duhet të përfundojë kjo? Shumë e kanë dënuar këtë akt të papranueshëm dhune, por fatkeqësisht deri më tani nuk shoh asnjë reagim nga përfaqësuesit e Listës Serbe mes tyre. Pse? Të gjithë duhet të bëjnë pjesën e tyre për të shtensionuar situatën”, ka shkruar Rohde, duke komentuar videon e RTK-së teksa huliganët ushtrojnë dhunë ndaj gazetarëve. /Kosovatimes/
The brutality of this scene is shocking. Where is this supposed to end? Many have condemned this unacceptable act of violence, but unfortunately so far I don’t see any reaction by SL representatives among them. Why? Everyone needs to do their part to de-escalate the situation. https://t.co/LvzfZwsAIW
— Ambassador Jörn Rohde (@GermanAmbKOS) June 17, 2023
