Ministri i Mbrojtjes, Armend Mehaj, ka urua Ditën Memoriale të komunitetit egjiptian në Republikën e Kosovës.
“Në emër të Ministrisë së Mbrojtjes, të gjithë qytetarëve të komunitetit egjiptian në Republikën e Kosovës, ju uroj ditën e tyre memoriale, në veçanti këtë ditë ua uroj ushtarakëve tanë nga ky komunitet të cilët me plotë atdhedashuri dhe krenari i shërbejnë ushtrisë së vendit tonë”, ka shkruar ministri Mehaj.
Ai, përmes rrjetit social facebook, bëri të ditur se komuniteti egjiptian gëzon respekt të madh në institucionin tonë, respekt ky i fituar me punën e tyre të ndershme dhe të përkushtuar ndaj vendit, duke kontribuar në të gjitha proceset shtet ndërtuese.
“Në angazhimin tonë në shërbim të vendit, do të rrugëtojmë së bashku duke qenë bartës të vlerave duke dëshmuar jo vetëm bashkëjetesën, por edhe bashkëpunimin e ngushtë dhe pa dallim mes nesh”, thuhet, më tej, në urimin e ministrit të Mbrojtjes, Armend Mehaj. /Kosovatimes/
