Në kazermën “Adem Jashari” në Prishtinë, u mbajt ceremonia e diplomimit të 15 kadetëve të gjeneratës së klasës 2023. Përveç drejtuesve të lartë të FSK-së e Ministrisë së Mbrojtjës, mori pjesë edhe kryeministri Albin Kurti.
Ky i fundit tha se çdo gjeneratë e re, dëshmon për vullnetin që është për të ndërtuar sistemin e mbrojtjes.
Duke rikujtuar se themelet e FSK-së janë mbi mundin dhe sakrificën e UÇK-së, ndihmën për clirim nga NATO, e ndërtimi i saj është bërë dhe po bëhet me mbështetjen e vendeve të ndryshme perëndimore dhe aleate, kryeministri tha se FSK është e hapur për çdo të re dhe të ri, deri në moshën 25 vjeçare.
“Kemi lidhur bashkëpunim me Mbretërinë e Bashkuar, Shqipërinë, Letoninë. Nga sot përveç gradën e oficerit, ju do ta keni mbi supe ruajtjen e qytetarëve dhe sovranitetin”, tha ai.
“Duke pranuar titullin e oficerit që u ndërtua mbi supet e UÇK-së”.
Kurti në fjalën e tij rikujtoi se është larguar kufizimi në numër i pjesëtarëve të saj e ku të gjithë deri në këtë moshë, mund të aplikojnë për t’u bërë pjesë e ushtrisë së Kosovës.
“Për dy vjet, janë rekrutuar 1.240 ushtarë të rinj”, tha kryeministri Kurti. “Në proces të rekrutimit janë edhe 612 ushtarë të rinj dhe 388 rezervë”.
Ai sqaroi se paralelisht me rritjen e kapaciteteve të FSK-së, po rritet edhe buxheti i saj e ku për dy vjet, është dyfishuar. “Ne nuk e forcojmë ushtrinë për ta sulmuar dikë, por për t’u mbrojtur nga dikush”.
“Për këtë vit, buxheti për FSK-së është 141.2 milionë euro”, tha kryeministri Kurti. Ai tha se gjithashtu janë rritur investimet për armatime prej 191% më shumë sesa qeveria e kaluar.
“FSK është realiteti ynë dhe jetësimi i idealit të luftëtarëve dhe të rënëve për liri”, tha kryeministri Kurti.
“Kadetët që diplomuan i takojnë Qendres për Studime Universitare të Forcës së Sigurisë së Kosovës.
