Policia e Kosovës ka njoftuar se me qëllim të rritjes së sigurisë në trafikun rrugor ka ndërmarrë masa konkrete përmes kontrollit të trafikut me vetura me pajisje inteligjente “smart patrol”.
Sipas njoftimit, nga data 26 deri 30 qershor 2023, përmes këtyre pajisjeve, Policia e Kosovës ka identifikuar 75 mjete në trafik me regjistrim të skaduar, ku përveç shqiptimit të gjobave të njëjtëve u janë marrë përkohësisht targat dhe janë larguar nga trafiku.
39 shoferë janë hasur duke drejtuar mjetin mbi normat e lejuara të kufizimit të shpejtësisë dhe po ashtu janë shqiptuar edhe 42 kundërvajtje tjera në trafik. /Kosovatimes/
