Ministri i Mbrojtjes, Armend Mehaj përmes një postimit në Facebook, ka bërë të ditur se major Jeton Ahmeti ka përfunduar me sukses shkollimin në Kolegjin e Komandës dhe Shtabit të Përgjithshëm në Akademinë Ushtarake të Mbrojtjes së Kroacisë.
Mehaj ka thënë se gjatë shkollimit njëvjeçar, major Jeton Ahmeti ka treguar rezultate të larta, duke prezantuar me dinjitet Forcën e Sigurisë së Kosovës në të gjitha aktivitetet e organizuara nga Akademia Ushtarake e Mbrojtjes Kroate.
Ai i ka dëshiruar suksese të mëtutjeshme major Ahmetit gjatë shërbimit të tij në FSK.
