Të paktën 29 persona u vranë në Meksikë kur një autobus pasagjerësh doli nga një rrugë malore dhe u zhyt në një luginë të mërkurën në shtetin jugor të Oaxaca, tha prokurori i përgjithshëm i shtetit për AFP.
– Të dhënat që kemi 12 orë pas fillimit të punës së shpëtimit janë 29 persona të vdekur dhe 19 të plagosur – tha përmes telefonit Bernardo Rodriguez Alamilla.
Pamjet nga vendi i ngjarjes tregojnë rrënojat e dëmtuara të mjetit të shtrirë anash në fund të një shkëmbi të pjerrët, ndërsa shpëtimtarët punonin aty pranë.
Ka nisur hetimi për zbardhjen e shkaqeve të aksidentit, ndërsa të dhënat e para flasin për një defekt mekanik.
Të paktën gjashtë nga të plagosurit ishin pa ndjenja dhe në gjendje të rëndë kur u dërguan me urgjencë në spital, sipas agjencisë së mbrojtjes civile.
Autobusi, i operuar nga një kompani lokale transporti, u largua nga kryeqyteti Mexico City të martën mbrëma dhe u nis për në qytetin e Santiago de Yosondua, thanë autoritetet.
