Integrimi i Rusisë dhe Bjellorusisë në një aleancë shtetesh mund të mundësojë një përgjigje efektive ndaj sanksioneve perëndimore, tha sot kryeministri rus Mikhail Mishustin, raporton TASS, shkruan Kosovatimes.
Në një bisedë me kryeministrin bjellorus Roman Golovchenko, ai shprehu besimin e tij se duke integruar të dy vendet do të mund t’i rezistonin presionit për shkak të sanksioneve perëndimore, të cilat, sipas tij, mund të krahasohen me një luftë ekonomike.
Ju kujtojmë se presidenti i Bjellorusisë Aleksandër Lukashenko tha javën e kaluar në një takim në Soçi me presidentin rus Vladimir Putin se Bjellorusia dhe Rusia nuk do të tolerojnë poshtërimet që vijnë nga vendet perëndimore.
Ai paralajmëroi se Bjellorusia dhe Rusia nuk do të hyjnë në dialog me Perëndimin nëse nuk u tregohet respekti i duhur. /Kosovatimes/
