Pak ditë më parë, forcat ukrainase “fshinë” të gjithë kolonën ushtarake ruse në një sulm të suksesshëm dhe në këtë proces shkatërruan një numër të konsiderueshëm armësh artilerie. Sulmi ka ndodhur në rajonin Zaporizhia në juglindje të Ukrainës, ku po zhvillohen luftime të ashpra si pjesë e kundërofensivës ukrainase, transmeton Express .
Në videon e ushtrisë ukrainase, mund të shihni se si raketat bien mbi automjetet ruse dhe automjetet e blinduara që thjesht nuk kanë ku të fshihen.
Sulmi shkaktoi panik në mesin e ushtarëve rusë, shumë automjete u shkatërruan ose u dogjën, dhe video tregon tymin që ngrihet në qiell. Forcat ukrainase hodhën në erë një tank rus MTLB dhe rreth gjashtë kamionë, secili prej të cilëve dukej se mbante armë artilerie.
Një përdorues i Twitter i quajtur InRodWeTrustMTL shkroi:
“Siç vazhdoj të theksoj, Ukraina shkatërron artilerinë ruse, veçanërisht në frontin jugor të Zaporizhzhia. Këtu Ukraina përdor drone për të rregulluar zjarrin e artilerisë dhe ata shkatërrojnë një kolonë të tërë kamionësh furnizimi me artileri ruse.”
Kjo pritë e fundit vjen pasi Guvernatori i Zaporizhia, Yuriy Malaska , tha se kishte 45 sulme ajrore dhe artilerie ruse midis të premtes dhe të shtunës.
