Të paktën katër persona janë vrarë nga të shtënat masive në Hampton, një qytet i vogël në Gjeorgjinë perëndimore.Policia ka identifikuar Andre Longmore nga Hampton si të dyshuar për vrasjet e lartpërmendura. Policia njoftoi se Longmore filloi të shtënat rreth orës 10:45 dhe vrau katër persona, tre burra dhe një grua.
Identiteti i viktimave nuk është bërë ende i ditur, sepse fillimisht duhet të njoftohen të afërmit e tyre.
“Kjo është një ditë e trishtuar në Hampton. Kjo nuk është normale për ne dhe si komunitet do të pikëllojmë së bashku. Si departament policie do të bëjmë gjithçka që është në fuqinë tonë për të siguruar që ky person të sillet para drejtësisë,” tha shefi i policisë së qytetit. James Turner raporton Index.
Zyrtarët po hetojnë nëse Longmore ka lidhje me ndonjë nga viktimat. Motivi i të shtënave është i paqartë. Një shpërblim prej 10,000 dollarësh po ofrohet për çdo informacion që çon në arrestimin e Longmore, raporton NBC.
Sherifi i qarkut Henry, Reginald B. Scandrett u bëri thirrje banorëve të mos i afroheshin Longmore sepse besohet se ai ishte i armatosur.
“Kudo që të jeni, ne do t’ju gjuajmë në çdo vrimë ku mund të qëndroni dhe do t’ju mbajmë në paraburgim “, tha Scandrett.
