Policia i ka arrestuar dy persona në Prishtinë të dielën, me dyshimin se kanë kryer veprën penale vrasje në tentativë.
Sipas njoftimit, të dyshuarit me inicialet V.S. dhe A.Z., i kanë shkaktuar lëndime trupore me mjet të mprehtë disa personave në lagjen “Përroi i njelmët”.
Ndaj të dyshuarve është iniciuar vepra penale “vrasje në tentativë” dhe janë dërguar në mbajtje për 48 orë.
“Policia ka iniciuar një hetim në drejtim të veprës penale ‘Vrasje në tentativë’ dhe me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtit janë dërguar në mbajtje prej 48 orësh”, thuhet në njoftimin policor.
