Këshilltari i zëvendëskryeministrit të Kosovës, Besnik Bislimi, Klisman Kadiu, duke reaguar për dështimin e Komisioni për Integrime Evropian, ka thënë se thotë se arsyeja e mos mbajtjes së mbledhjes së këtij komisioni, ishte mungesa e kuorumit, e jo mungesa e shefit të tij.
“Mbledhja e paraparë për raportim të zëvendëskryeministrit Bislimi para Komisionit Parlamentar për Integrim Evropian, nuk u mbajt për shkak se nuk pati kuorum. Jo sepse nuk shkoi zëvendëskryeministri Bislimi. Ai pikërisht nuk ishte prezent, sepse nuk kishte kuorum. Zëvendëskryeministri Bislimi nuk ka refuzuar asnjëherë të raportojë në Komisionin për Integrim Evropian”, ka shkruar Kadiu në Facebook.
Mbledhja e Komisioni për Integrime Evropiane, ka dështuar për shkak se Zëvendëskryeministri i parë për Integrim Evropian, Zhvillim dhe Dialog, Besnik Bislimi, nuk ka shkuar të raportoi në këtë komision për masat e BE-së për Kosovën. Opozita e ka kritikuar Bislimin për këtë, duke kërkuar llogari prej tij.
