Ministri gjerman i Mbrojtjes Boris Pistorius ka anuluar një udhëtim të planifikuar në Irak dhe Jordani, duke përmendur shqetësimet e sigurisë pas sulmit të javës së kaluar dhe djegies së ambasadës suedeze në Bagdad, në shenjë proteste ndaj djegies publike të Kuranit më 28 qershor në Stokholm, tha një zëdhënës i Ministrisë së Mbrojtjes gjermane.
Anulimi i udhëtimit të Pistorius, i cili duhej të zgjaste disa ditë, përfaqëson gjithashtu një reagim ndaj protestave të dhunshme kundër një organizate joqeveritare daneze në Irak , konfirmoi zëdhënësi, sipas Reuters.
Ai tha se për shkak të kësaj situate, forcat gjermane të sigurisë këshilluan anulimin e udhëtimit të Pistorius dhe shtoi se largimi i ministrit gjerman shtyhet për një rast tjetër , ndoshta gjatë tremujorit të katërt të këtij viti.
