Njëmbëdhjetë persona humbën jetën kur çatia e një gjimnazi u shemb në një shkollë fillore në verilindje të Kinës, njoftuan sot autoritetet kineze.
Ngjarja ka ndodhur sot në qytetin Qiqihar të provincës Heilongjiang dhe viktima e fundit është nxjerrë nga rrënojat mëngjesin e sotëm.
Agjencia zyrtare kineze e lajmeve Xinhua raportoi se sipas elementeve të para të hetimit, rezulton se gjatë ndërtimit të çatisë së sallës është përdorur perlit, një material që është një formë xhami vullkanik dhe se gjatë reshjeve të dendura të djeshme, ky material ka grumbulluar ujë dhe ka shkaktuar shembjen e çatisë.
Nëntëmbëdhjetë persona ishin në gjimnazin e shkollës, raportoi agjencia e lajmeve Xinhua, por nuk specifikoi se sa prej tyre ishin nxënës.
Ankesat nga prindërit e pakënaqur për atë që ata thonë se është mungesë komunikimi me autoritetet kanë qarkulluar në mediat sociale dhe në faqen e lajmeve Baidu.
