Rregullat e reja në Greqi hyjnë në fuqi më 4 shtator dhe shumë turistëve nuk do t’i pëlqejnë.
Vizitat në Akropol në Athinë, siti arkeologjik më i njohur në Greqi , do të kufizohen në maksimum 20,000 vizitorë në ditë nga muaji i ardhshëm për shkak të turmave të tepërta, me kufizime të ndryshme çdo orë, tha Ministrja e Kulturës e Greqisë, Lina Mendoni. njoftoi sot.
Ajo deklaroi se është e nevojshme të futen rregullore në mënyrë që të parandalohet krijimi i ngërçeve dhe mbipopullimi në Akropol, raporton AP .
Rreth 23,000 njerëz në ditë “shtryhen” në kompleksin monumental dhe bëhet fjalë kryesisht për grupe të mëdha që vizitojnë vendin gjatë pasdites.
Sipas sistemit të ri, 3000 persona do të kenë akses nga ora 8 e mëngjesit deri në 9 të mëngjesit, 2000 persona gjatë orës në vijim dhe në orët e tjera të ditës numri i vizitorëve të lejuar do të ndryshojë.
“Kjo masë do të lidhet me nevojën për të mbrojtur monumentin, që është gjëja më e rëndësishme për ne, si dhe përmirësimin e përvojës së zonës për vizitorët”, shtoi ajo. Lina Mendoni tha se masa të ngjashme do të vendosen edhe për objekte të tjera të njohura arkeologjike. AP raporton se më shumë se tre milionë njerëz vizituan Akropolin vitin e kaluar.
